粤语童谣

有冇你童年嘅回忆

1 排排坐

排排坐,食果果,猫儿担凳俾姑婆坐......

2 氹氹转

氹氹转,菊花圆,炒米饼,糯米团,五月初五係龙舟节,阿妈带我去睇龙船,我唔睇,睇鸡仔,鸡仔大,拎去卖,卖得几多钱?卖得几多只?我有架风车仔,佢转得好好睇......睇佢氹氹转又转......

3 猜呈沉

呈沉剪,呈沉包,呈沉糯米叉烧包.老鼠唔食香口胶,要食豆沙包.

4 捉大贼

点指兵兵,点着谁人做大兵;点指贼贼,点着谁人做大贼.

5 点虫虫

点虫虫,虫虫飞,飞去荔枝基.荔枝熟,焗一焗;荔枝生,摘一罂.

6 劈友

劈友,劈友,快啲走.走得快,好世界;走得摩,冇鼻哥.

7 落雨大

落雨大,水浸街,阿哥担柴上街卖,阿嫂出街著花鞋.花鞋花袜花腰带,珍珠蝴蝶两边排.

8 嗳姑乖

嗳姑乖,嗳姑乖,嗳大姑乖嫁后街.后街有啲乜嘢卖,有鲜鱼鲜肉卖,又有鲜花戴.戴唔晒,摆落床头俾老鼠拉.

9 肥藤藤

肥藤藤,脚震震.买旧猪肉去拜神,行到半路屎忽痕,去到神庙四围藤,返到屋企口痕痕,食完猪肉变瘟神.【小时候-草蜢】

小时候