般若波罗蜜多心经（满文及转写）

讲解、转写：额克青格

sure i cargi dalin de akvnaha niyaman i nomun,

jilan i bulekuxere toosengga fusa.

xumin narhvn sure baramit be yabure de, sunja niktan be gemu untuhun ojoro be bulekuxefi, eiten jobolon gashan be doobuhabi.

xaribudari a, dursun untuhun ci encu akv, untuhun dursun ci encu akv. dursun uthai untuhun inu, untuhun uthai dursun inu. serebun gvnijan weilen ulhibun, inu uttu.

xaribudari a, eiten nomun i untuhun arbun, banjin akv mukiyen akv, icihi akv bolgo akv, nonggin akv ekiyen akv.

tuttu untuhun de dursun akv, serebun gvnijan weilen ulhibun akv.

yasa xan oforo ilenggu beye gvnin akv,dursun jilgan wa amtan aligan nomun akv.

yasai jecen akv ci, gvnin ulhibun i jecen de isitala inu akv.

mentuhun akv, inu mentuhun i wajin akv ci sakdan bucen akv, sakdan bucen i wajin de isitala inu akv.

jobolon, eiten banjin, mukiyen, doro akv. sure akv, inu baharangge akv.

gemu bahara ba akv i turgunde, tuttu bodi sado sure baramit de akdame ofi mujilen de uxabure hanggabure ba akv.

uxabure hanggabure ba akv ofi gelere goloro ba akv. calgabun fudasi tolgin gvnijan ci fuhali aljafi, jiduji nirwan de dosinambi.

ilan jalan i geren fucihi, sure baramit de akdame ofi, delesi akv unenggi hafuka bodi be bahambi, tuttu ofi, sure baramit be amba ferguwecuke tarni, amba ulhisungge tarni, delesi akv tarni, jergileci ojorakv de jergilere tarni, eiten jobolon be geterembume mutefi, unenggi yargiyan taxan akv be safi, tuttu sure baramit tarni be tarnilaha.

da dya taa, ga da, ga da, ba ra ga da, ba ra sang ga da, bo dhi sowaa haa.【般若波罗蜜多心经-龚玥】

般若波罗蜜多心经